Ævintýri á hestbaki - Mán 16 nóv kl 17:00

Þórgunnur Þórarinsdóttir (2005) býr í Skagafirði á Norður Íslandi  og er hestastelpa af lífi og sál. Hjá henni og litu systur hennar Hjördísi Höllu snýst lífið um hestamennsku og hefur alla tíð gert. Pabbi þeirra er þekktur verðlaunaknapi á íslenskum hestum. Fjölskyldan lifir og hrærist í hestamennskunni og draumur Þórgunnar er að fara með besta hestinn sinn, Djarf frá Flatatungu, að keppa á heimsmeistaramóti erlendis. Ævintýri á hestbaki er hugljúf og einlæg mynd um fallegt samband systra, íslenska hestinn í stórbrotinni náttúru og lífið inn á keppnisvellinum.